الأربعاء، 27 يوليو، 2011

يا مجلس انت فاسد !

يا مجلس ايوه انت فاسد .. عليك انت تتذكر انك احد فروع النظام الفاسد السابق و نحن نطهر المؤسسات الحكومية من رموز النظام الفاسد لذلك عليك الرحيل ... لاننا اخطائنا عندما اسقطنا نظام فاسد و اتينا بفرع من هذا النظام الفاسد ليحكمنا ليكون مرة اخرى نظامى اكثر فساد من النظام السابق ولكن عليك الحذر فالشعب عندما يريد شىء لن يحميك جندى و لا مدرعة ولا دبابة ... لان هذا الشعب الذى واجه بصدوره رصاص العادلى و مبارك اثناء الثورة و لم يخف و استمر بالهتاف سلمية سلمية حتى جاءت جمعة الغضب 28 يناير الجمعة التى من الصعب ان تتمحو ذكراتها من رأس اى احد لان هذه الجمعة التى اسقطة هذا النظام الفاسد فلا انصحك بجمعة اخرى من هذا النوع وعليك ان تتذكر من تريد تشويه صورتهم فهم اكثر منك وطنية لانهم كانوا من القوى الوطنية التى صنعت الثورة المصرية العظيمة و قت ما كنت انت يا طنطاوى تمدح فى مبارح و العائلة و تقول لى الان انك تحمى الثورة امازلت تظن اننا ما زلنا نسكت عن حقنا .. لن نسكت ع حقنا بعد هذه الثورة المجيدة التى راح ضحيتها الكثير من شباب مصر .. انت مازلت لم ترجع لهم حقهم حتى الان وتقول لى انك تحمى هذه الثورة ! امازلت اخرس ام اصم ام اعمى ! ... فعليك ان تعلم فانا الان اتكلم و اسمع و ارى ... فعليك الحذر من ان يثور هذا الشعب ضدك لانه اذا ثار هذا الشعب ضدك لن يتبقى لك غير خيار واحد وهو " التنحى " .. بعد يوم 11 فبراير .. اصبحت انت المسؤال عن شؤن البلاد فلم تحفظ الامانة التى اعطاها لك الشعب .. فتركت شفيق فى منصبه ع الرغم من ان الشعب اراد رحيله و لم يستقال غير لما ثار الشعب فاتيت برئيس وزراء من الميدن " الدكتور / عصام شرف " فاهلاًَ به فى هذا المنصب و لكنك قلت كيف اقف عن الفساد فعلى ان افسد فلم تجعل له صلحيات رئيس الوزراء فتحول من رئيس وزراء الى سكرتير المجلس !
امازلت تريدنى ان اصمت فلن اصمت فلن اصمت سوف اصرخ فى الناس لنزول الميدان هجمت المتظاهرين بالبالطجية فى العباسة و المنطقة الشمالية بالاسكندرية ... نسيت ان هؤلاء المتظاهرين هم من جعلك فى هذا المنصب ! امازلت تريدنى ان اصمت فانا لن اصمت
و لو انا صمت فلن تستطيع ان تجعل 85 مليون ان يصمتوا !
كم انت فاسد !

الخميس، 14 يوليو، 2011

يا ايها المجلس !

يا ايها المجلس اعتقد انك قد نسيت من جعلك فى هذا المنصب ان الشعب من جعلك فى هذا المنصب عن طريق التظاهر السلمى ضد النظام السابق عن اسقط النظام و جعلك مكانه و لا تنسى ايضا انه اذا اراد الشعب اسقاطك فلا تلوم شخص غير نفسك ... اذا اراد الشعب يوما فعلا القدر ان يستجيب الندا .. جعلنا هذا المنصب لك لتحمى الثورة و تحقق مطالبها .. ولم تحقق مطالبها جميعها استمريت فى تاجيل المحاكمات وبراءة بعد المتهمين ولم تقدم لنا الاثبات بان نجلى مبارك فى السجن حتى الان و مع انك لم تستجيب الى مطالب الثورة كل هذا و نراك تخرج لنا فى بيان شديد اللهجة وكاننا نحن من خطاء وليس انت و تهدد و تلوح باصبعك ... اليس نحن الشعب ولا احد يقف امام الشعب عليك ان تتذكر مشاهد الثورة التى جعلتك فى هذا المنصب ... و ان الشعب ابقى من حاكمه ... اما تجعلك لك الدور البطولى فى اتمام مطالب الثورة او تجعلها اول نقطة سوداء فى تاريخ الجيش المصرى العظيم تجاه شعب مصر ... فعليك ان تختار و قبل ان تختار ان تعرف ان الشعب المصرى لديه جميع الحلول و الصلاحيات اكثر منك لانه الشعب و انت حاكم مجرد خادم للشعب ليس اكثر وليس اقل فعليك ان تعلم ان الشعب المصرى العظيم على مر العصور لن يقف مقتوف الايدى تجاه هذا الثورة التى صناعها الشعب و ليس الجيش التى راح ضحيتها شهداء و مصابين جاء الوت لنرد لهم الجميل تجاه الثورة و الوطن و ان نحاكم من قتلهم و من قتل يقتل ... المصابين لا يجدون من يعالجهم و القاتل يتعالج فى شرم الشيخ نفسيا !!!
اين هى العدالة يا مشير ؟ ... فعليك ان تعلم ان عليك تنفيذ مطالب الثورة من اجل ان تظع لنفسك و سام اخر فى التاريخ ... عندما توليت هذا المنصب لم تجعل الشعب يرى وجهك الكامل فجعلت الشعب يرى و جهك الطيب و الان الشعب استطاع ان يراك على حقيقتك من بعد البيان الاخير ... والان نصيحة من اخ صغير اليك يا مشير عليك ان تعلم ما يجب عليك فعله فى هذه الظروف الدقيقة و ما لا تستطيع فعله لانك مجرد شخص يدير البلاد لفترة و لست باقى بهذا المنصب

الجمعة، 17 يونيو، 2011

كم انتى غريبة يا بلادى !!

اقول ايه خلونا فرحانين بالجاسوس و ماشين فى الشارع نقول ارفع راسك فوق مسكنا الجاسوس و نقولوا اغبى جاسوس فى العالم ... وتطلع عليه نكت فى الاخر نطلع احنا الاغبى بعد ما اسبانيا افرجت عن حسين سالم بكفالة 27 مليون يورو لازم نقفوا و نفكروا الجاسوس دا اتعملتله ضجة اعلامية كبيرة اكبر من حجمه علشان يبعدونا على مواضيع المحاكمات و احنا فرحانين اوى اوى ... وفى الاخر تيجى الصدمة الافراج عن حسين سالم ... نفوق شوية وحبة لغاية ما تيجى نشرة القنوات الارضية الاولى ... تنكر الخبر دا ... عارفين ليه علشان ديل الكلب عمره ما يتعدل ... افرجوا عن حسين سالم ... يعنى الحكومة متحركتش يعنى الخارجية متكلمتش ! ...... بجد احنا لغاية كده و نقف حبة فكر ... لاننا مش هنستنى حد تانى لما يتفرج عليه .....وعلى فكرة بعد الافراج عن حسين سالم انسى بقى الفلوس بتاعته وكمان انسى انك تحاكمه ... الحقوا الباقى قبل ما يبقوا زى حسين سالم ... فاكرين الشهداء ... فاكرين لما كنا بنقول باعلى صوتنا حرية حرية .... سلمية سلمية .... الشعب يريد اسقاط النظام ... وكلنا عزيمة واصرار ... فاكرين الاغانى الوطنية لما كنا بنسمعوها واحنا فى المظاهرات ... بس انا فاكر حاجة بقى احسن .. يوم التنحى لما كنا 3 مليون واحد فى الاسكندرية لما لقيت الناس بتحدفلنا اكل ومياه من الشباك ... وفاكر كمان لما انا سبت المظاهرة وطلعت لمكان عالى علشان اشوف اخر المظاهرة مشفتش اخرها ... نزلت تانى وكملت .... فاكرين الاطفال الصغيرة الكانت هناك و عنيهم مليانة بالامل ....

الأربعاء، 15 يونيو، 2011

هل تعتقد امريكا تحقيق السلام بقتل الابرياء ؟!

هل تعشق امريكا لغة الدماء ... سوف اعرض عليكم ما بعض من صور الجرائم التى ارتكبتها الولايات المتحدة الامريكية فى حق الشعب العراق ,,,

من الصور السابقة تدل على ان امريكا قتل الكثير من الابرياء الاطفال هل يدخل الاطفال فى لعبة صنعها الكبار ؟!
هل تريد امريكا القضاء على شعب لم يكن يستنشق رائحة الهواء و لم يسمع غير صوت الطائرات و الدبابات و طلقات الرصاص الموجهة الى صدره ! لم تستفيد امريكا من العراق غير انها قوة الاقتصاد الامريكى بالبترول العراقى لم تستفيد امريكا غير تشريد الاطفال و قتلهم ,,, دخلت العراق بحجة النووى ولكنها قتل ابنائها

امريكا قتل الكثير من الابرياء من الشعب العراقى ومازالت تقول سلام و لا للغة الدماء وهى اكبر دولة فى العالم اثبتت انها تعشق لغة الدماء انها تفكرنى بمصاص الدماء لا يشبع و لا يستقر غير بامتصاص دماء الاشخاص الابرياء



اين منظمة حقوق الانسان من هذه الصور ... الم تراها ... لماذا لم يتحرك الراى العام ضد امريكا ... لماذا لم تصدر قوانين ضد امريكا من مجلس الامن بسبب انها تتمتع بحق الفيتو .. تفعل ما تشاء و قت ما تشاء !!


ما ذنب هذا الرجل لقتل ما يحب ... فى قتل اعز الناس اليه ... ماذا فعل لكى يا امريكا انتى من يقول سلام ... فى كل العالم هل تريد العالم ان ينصت ليكى ؟! لا اعتقد ان العالم سوف ينصت اليكى


ماذا فعلت يا اوباما من اجل شعب العراق الم فى برنامج الانتخابى انك سوف تخرج الجيش الامريكى من العراق ...اسف نسيت هذه بعد الجمل الانسانسة حتى يصوت لك الاشخاص ... ولكنك اكبر ارهابى فى العالم .. قتلت الكثير من الابرياء ... و قتل بن لادن وانت تستطيع ان تعتقله ولكن لماذا تعتقله فانت تحب الدماء فتقتله هل هذا السلام ؟!

كتبت دا وامرى لله بقى

معاهدة التضليل وليست السلام

لا اعتقد ان اسرائيل تريد السلام و لكنها شعارات تقال للتضليل , معاهدة السلام بين مصر و اسرائيل تهدف الى امن اسرائيل فى المقام الاول و الاخير لا تستطيع مصر اختراقها و لكن تستطيع اسرائيل اختراقها لان اسرائيل لديها حماية هى الولايات المتحدة الامريكية و لكن مصر ظهرها مكشوف لا توجد دولة تحميها , عندما تفعل مصر هذا سوف يحدث لها حاجة من اتنين يا اما الاحتلال ,, تعيش فى عزلة مثل ايران و العراق من قبل ولذلك لان الولايات المتحدة ارادت هذا !!
تذكر عندما قال البرادعى " العراق مفيهاش نووى " برغم من ذلك دخلت الولايات المتحدة الامريكية العراق بحجة ان فيها نووى و لما ملقوش نووى قالوا احنا بقين علشان الاوضاع الامنية فى العراق !
تذكر عندما قالت اسرائيل انها لن تكون البدا بالحرب و قال مثلها العرب انهم لن يكونوا ايضا البداين بالحرب و لكن برغم من هذا استخدمت اسرائيل عنصر المفاجئة و قامت حرب 67 ( النكسة ) لذلك يعرف الجميع ان اسرائيل ليس لها امان لذلك انا ضد معاهدة السلام مع اسرائيل

السبت، 11 يونيو، 2011

نذيع ؟!

كلوا دلوقتى فرحان مبقاش فى امن دولة ... يا حلم ..... حلم بس متحققش ... غيروها من امن الدولة للامن الوطنى ... وسكتونا على كده القيادات هى هى متغيرتش ... غير الرحتهم طلعت بيحكموهم .... بمعنى اكتر وضوحا كبش فدا ... احنا عاوزين تغير جزرى من المخبر البيعد على القهوة ليل ونهار لحد اكبرواحد فى الدخلية ... انفلات امنى ... الجيش هو البيامن كل حاجة ... الدخلية شيلة اديها من الموضوع و احنا كده خرجنا عن موضوع امن الوطنى .. فهمونى ايه الاتغير ... لو انا مش فاهم فهمونى مش هتخسروا حاجة .. فهمونى هو القتل المتظاهرين دولت مش فى الدخلية يعنى اسهل ناس عرفين عنوانهم و اماكنهم و كل حاجة ... امل بقى مش عارفين يمسكوهم ليه .؟! اه انا نسيت ما هم لو مسكوهم الدخلية الكبار هيقعوا فا الازم يستخبوا مش بعيد الكبار هما المخبينهم ... دا مش بعيد دا اكيد ... فاكرين دم الشهيد الكان بينزل على الارض من رصاص الناس دولت خلاص نسيتوا ... لا انا عارف انكم منستوش بس انتوا زهقتوا ... لا مش دى روح التحرير مش دى روح الثوار شوفوا ثوار ليبيا بيعملوا ايه ؟! مزهقوش وقالوا كفاية لا بيحاولوا كل شوية بيتقدموا لازم نطالب بحقوقنا الشرعية ... المتحققش منها غير القليل ... لو مش هتتحقق غير بثورة تانية ... يبقى نعملوا ثورة تانية ... انا مصرى و فداكى يا مصر ... فكروا بجد بقى يا مصرين ... ايه الاتغير من الامن الدولة زمااان و الامن الوطنى دلوقتى غير الاسم ؟!
ضحكوا علينا وبيقلولنا نذيع ؟!! ... هترد و تقول نذيع ولا هتقول ايه ؟!

الجمعة، 10 يونيو، 2011

يا فرحتى ...

يا فرحتى ... ممكن تحسوا ان اسم الموضوع غريب بس انتوا لما تقرا الموضوع هتحسوا انه عادى ....
المخلوع كان بيتجسس على الشعب المصرى وقت ما كان اسرائيل وامريكا عرفين كل مراكز قوة مصر ... الاماكن المهمة علشان كلامى يبقى واضح الاماكن العسكرية المصرية بدليل ان امريكا و اسرائيل و بيتجسسوا على الوطن العربى ... يعنى مش مصر بس .. انهم لما قالوا هيضربوا اهم مواقع للقذافى كان قدامهم الاماكن المهمة فى ليبيا عرفوها منين ؟! ... مش بعيد اكون انا او انت بيتجسسوا علينا بس بيتجسسوا علينا ليه ؟! علشان اى حاجة بدليل ان اى عالم بيطلع من الوطن العربى بيخدوا عندهم زى زويل و ناس كتير .... امريكا عاوزة تظهر للناس انهم عندهم ديمقراطية ... بس هم معندهمش ديمقراطية كافية .... عندهم بعض الديمقراطية و لكن مش كلها ... بدليل ان فى امريكا الناس البيض بيكرهوا الناس السمر زى ما حصل لاوباما فى ترشحه للرئاسة زى ما بيقلوا فى الصعيد " من بره هلا هلا ومن جوه يعلم الله " بجد والله بتضحك ليه ... هو دا والمثل الينطبق على امريكا ... امريكا عندها نووى و اسرائيل عندها نووى و محرمين علينا نتفرجوا على النووى حتى ... مش نعملوا لا نتفرجوا عليه مش مسموح لنا ... نفسى اقول كلمة شيلها جواية بس انا لو قلتها الكل هيقلى عيب اسبها جواية احسن وانتوا هتعرفها لما تقرا الموضوع يلا ... انا طولت عليكم مش بحب مواضيعى تبقى طويلة ... يلا معاًَ نحو مستقبل افضل ...
محمد نور الدين

الخميس، 9 يونيو، 2011

ارفع راسك فوق ... أنت مصرى ... نزلها تانى ...

اولا لازم تشاهدوا فيديو حلقة ناس بوك ... علشان تفهموا كلامى ...
اضغط هنا لمشاهدة الفيديو

مش لازم تشوف كل الفيديو اهم حاجة فى الفيديو هى الدقيقة " 6 " بيظهر فيها الحرس الجمهورى وهو بيامن موقعة الجمل ...
كان فى كاميرات صورت الثورة كلها من اول 25 يناير  الى 20 فبراير ... كاملة .... مسحوا كل العليها علشان محدش يدان امام القضاء
حسب الكلام الاتقال فى البرنامج ان المسؤولين مسحوا كل الفيديوهات دى ... لكن فى ناس شرفاء قدروا يرجعوها و مساحتها 500 جيجا !
تم تسليم الفديو الاتنشر على الفيسبوك و تويتر و اليوتيوب ... الى النائب العام ولم يتم محاكمة المسؤول عن الحرس الوطنى .... هذا يدل على اهمال الجيش للتحقيقات ... وعدم اهتمامه ... فيديو اقل من 10 دقائق مش هياخد من وقتك حاجة يا جشنا يلى بتحمينا ... مش انت برضه السهرت على الحدود بتحمينا ... احمى ثورتنا .... احمى ثورتنا .... مبارك كان بيشاهد قتل المتظاهرين وقال فى التحقيقات انه مكنش بيتفرج غير على القنوات الارضية ليه حلته صعبة للدرجة انه مش عارف يشترى دش ... و هو سرقنا فى المليارات .... اه نسيت هو كان بيحولها على طول على بره .... بنسى كتير انا الايام دى .... بطء شديد فى المحاكمات و كمان بطرس غالى الاتحكم عليه 30 سنة يا عينى على الشعب الحكم كان غيابى .... يا فرحة ما تمت خدها الغراب وطار .... عاوزين مبارك يتحاكم محاكمة سياسية والشهود 85 مليون مصرى داق الزل .... بعد كل ما دا يتحقق ابقا بعدها اقول ارفع راسك فوق انت مصرى ....


الأربعاء، 8 يونيو، 2011

رجل ذهب الى الجامع ...

فى يوم من الايام ... ذهب رجل مسلم الى الجامع ... هذا الرجل لا يدخل الجامع الا فى صلاة الجمعة و فى اوقات لا يذهب لصلاة الجمعة .. ذهب هذا الرجل فى يوم من الايام الى الجامع ... و عندما وصل الى الجامع شعر بشعور غيريب .... شعر بأنه غريب فى هذا المكان ... وقف دقيقة على باب المسجد ... يفكر هل ادخل المسجد اصلى .. ؟؟ ... وبعد دقيقة من التفكير قرر الدخول الى المسجد .... عندما دخل الى المسجد اعتقد ان الناس جميعا ينظرون اليه ... هم يعرفون انه لا يصلى ... وانها اول مرة له دخول الجامع ... شعر الرجل فى المكان الذى يرتاح فيه الناس كلها انه غريب فى هذا المكان ... ظل جالس وهو يشعر بخجل مما كان يفعله طول حياته .... و يفكر فى الاخرة .... و عندما قامت الصلاة ... فذهب وصلى ... وتاب الى ربه ... هذه القصة تعلمنا اننا دائما نخجل من الناس ... فهذا الرجل تاب لانه شعر بالخجل من الناس ... هل نحن من هؤلاء الناس ارجع الى ربك ايها المسلم ...


محمد نور الدين

الاثنين، 6 يونيو، 2011

Some-Sh2lba

هى فكرة مدونة جاتلى فى دماغى طب ليه معملش مدونة ؟
اكتب النفسى فيه والناس تشوفه ؟
اعدت افكر قلت هفشل ... فكرت كتير لحد ما قلت كلام لازم يشوفه ناس كتير ... اكتب الانا ضده والانا بحبه ... طب ليه ميكنش ليا رأى ,, وانت يكون ليك رأى بعد الثورة لازم يكون ليك رأى لازم تقول رأيك ؟
وسميت المدونة Some-Sh2lba
علشان يعرف الناس انى هتشقلب على المش عجبنى وهقول رأى شقلبة ... جيه من انقلاب .. بس بلغتنا اجنا مش بلغة حد تانى ...
اضغط هنا .. لتشترك فى المدونة .. علشان تقول رايك !
مش هقول رأى .. هقول رأى